لعنبو قصة غرام..كل أبوها كلمتين.

لعنبو قصة غرام..كل أبوها كلمتين...
أبتدينا عند أحبك..و أنتهينا عند بااااي
تونا ما مشينا في الهوى لو خطوتين...
و أنتهى الموضوع كله حتى ما أعرف وش خطاي
أنتهت قصة حياتي بكل سهوله تحكمين...
وين أحبك؟وين أريدك؟؟وين ساكن في حشاي
يمكن أنك ما وفيتي يوم جيتي تعشقين...
ويمكن أنك تحسبيني بتبعك من دون راي
ويمكن أصلا ما عشقتي بس كنتي تلعبين...
ويمكن أنك ما وصلتي في هواك لمستواي
ويمكن أني ما عرفتك في الحقيقه وش تبين...
ويمكن أني خنت نفسي..يوم أعطيتك وفاي
علميني في الهوى يا جاهله وش تعرفين...
تعرفين أنك غديتي شي يجري في دماي
علميني في العطاء والتضحيه وش تفهمين...
لعنبو حيك عشانك بعت أقرب أقرباااي
كنت أحطك في عيوني تسرحين وتمرحين...
كنت أشيل هموم قلبك وأرمي همومي وراي
كنت أطير من السعاده يوم أشوفك تضحكين...
كنت ذايب في هواااكي مثل سكر وسط مااااي
كنت نايم في العسل وأرسم من الفرحه سنين...
كنت أظنك قلب عاشق ما سكن وسطه سواااي
ما وعيت الا وأنتي في خفوقي تطعنين...
ما وعيت الا وسيفك بالحشا رايح وجااااي
ورده..ايه والله ورده بس عرفتي تجرحين...
كل شي فيني جريح الا فخامة كبرياااي
ما تأثرت بغيابك..وش يعني دمعتين...
بكره أنسى صدقيني وأرجع بكامل قواي
أدري أنا أفترقنا..بس أبفهم حاجتين...
علميني وش كسبتي؟؟وعلميني وش خطاي؟؟؟
أصلا الموضوع كله ،،، ما تعدى كلمتين ،،،
... ألتقينا عند ( أحبك ) وأنتهينا عند ( بااااي )!!!

ميرسي